19 fevral kuni Xorazm viloyati Yangiariq tumani Yangiariq mahallasida shafqatsiz qotillik sodir etilib, ijtimoiy tarmoqlarda keng jamoatchilik noroziligiga va muhokamalarga sabab boʻldi. Bu haqda Milliy axborot agentligi xabar berdi.
Prokuratura maʼlumotlariga koʻra, 70 yoshli mahalliy fuqaro oilaviy nizo paytida uyida saqlagan ov miltigʻi bilan 50 yoshli oʻgʻlini otib oʻldirgan. Keyin esa kelini va nabirasini oʻqqa tutib, ularga ogʻir jarohat yetkazdi.
Natijada oʻgʻli voqea joyida vafot etgan, kelini va nabirasi esa ogʻir tan jarohatlari bilan kasalxonaga yotqizilgan.
Gumonlanuvchi tezda ushlanib, qamoqqa olingan. Hozirda tergov harakatlari olib borilmoqda. Qo’shnilarning so’zlariga ko’ra, fojianing asosiy sababi erkakning spirtli ichimliklarni haddan tashqari iste’mol qilishi bo’lgan.
