O‘zbekistonda o‘quvchi va talabalarni narkotik moddalar iste’mol qilish bo‘yicha tekshirish rejalashtirilmoqda.
Bunday rejalar haqida O‘zbekiston Respublikasi Narkotik moddalar nazorati va dori vositalari xavfsizligi markazi raisi Ismatjon Azizov ma’lum qildi.
Tekshiruvlar mahalliy ishlab chiqarilgan test-poloskalari yordamida amalga oshiriladi.
"Hozirda bizda mahalliy ishlanmalar mavjud - bunday testlar ilgari hech qachon ishlab chiqarilmagan. Bu oddiy "chiziq - poloska": u tilga qo'iladi va natija so'lakdan aniqlanadi. Uch soniya ichida test moddaning mavjudligini ko'rsatadi. Bugungi kunga qadar biz 16 turdagi giyohvand moddalarni aniqlash uchun bunday testlarni birgalikda ishlab chiqdik", dedi mutaxassis.
Azizovning ta’kidlashicha, yangi tizim nafaqat iste’mol qilish holatlarini tezkor aniqlash, balki uzoq muddatli ma’lumotlarni olish imkonini beradi.
«Bizda oddiy, shuningdek, laboratoriyalar uchun murakkabroq usullar ham mavjud. Biz soch orqali iste’molni aniqlash imkonini beruvchi uskunalar ishlab chiqarishni ham yo‘lga qo‘ymoqdamiz. Bunday ekspress usul uch oydan olti oygacha bo‘lgan davr haqida ma’lumot beradi va organizmdagi moddaning miqdorini ko‘rsatadi», — deb tushuntirdi u.
Ayni paytda uskunalar Sog‘liqni saqlash vazirligida ro‘yxatdan o‘tkazilmoqda.
Sinovdan o‘tkazilgandan so‘ng, ommaviy ishlab chiqarish iyun oyida boshlanishi rejalashtirilgan, sentyabrdan esa testlar maktab va oliy o‘quv yurtlarida keng qo‘llanilishni boshlaydi.
