СБДД ДОБ ИИВ матбуот хизматида ахборот хабарномаси эълон қилинди.
Жорий йилнинг 15 июнида, соат тахминан 7:00 да, Тошкент шаҳри 64-мактабининг 9-синф ўқувчиси йўл-транспорт ҳодисаси содир этди. У синфдоши билан бирга отасининг "BYD Chazor" автомашинасига ўтириб, бошқарувни йўқотиб, тўхтаб турган "Yutong" йўловчи автобусига тўқнашди. Дастлабки маълумотларга кўра, қонунбузарлар автомашинадан давлат рақамларини олиб ташлашган.
Ҳодиса натижасида ҳеч ким жабрланмади. Автобусда йўловчилар бўлмаган. Мазкур ҳолат бўйича қонунбузарнинг отасига маъмурий протокол тузилди.
Ўғил боланинг отаси сўзларига кўра, у ўғлини ва автомашинасини назоратсиз қолдиргани учун ўзини айбдор деб ҳисоблайди.
