UzAuto Motors компанияси 1.5 л. Turbo двигателли янгиланган Malibu Facelift автомобили савдоси бошланаётганини маълум қилди. Янгиланган Malibu Ўзбекистон бозорида Malibu 2.5л. ўрнини эгаллайди ҳамда унинг янги технологик ва тежамкор (30%) давомчиси бўлади.
Олдузатмали автомобиль аввалгисидан 100 килограммга енгил эканлигига қарамай, унинг узунлигига тахминан 12 сантиметр қўшган. Бундай натижага унинг 1,5 литрли 160 от кучига эга турбомотори сабабли эришилган.
Шуни қайд этиш лозимки, мазкур моделнинг нархи аввалгисидан 5 миллион сўмга арзон. Янгиланган моделнинг ранглар палитраси ҳам кенг доирада тақдим этилган.
Шунингдек янгиланган Facelift Malibu Turbo 2 л. автомобилининг ҳам савдоси йўлга қўйилган. Ушбу моделдаги автомобилларни етказиб бериш 2019 йилнинг сентябр ойидан бошланади.
Ҳозирги вақтда Malibu 2.5л. автомобили жуда оз миқдорда чегараланган ранглар палитрасида қолган ва ушбу модель ишлаб чиқаришдан тўхтатилмоқда.
