Shavkat Mirziyoyev: 2021 yil ham iqtisodiyot uchun qiyin bo'ladi
Facebook
Вконтакте
Одноклассники
Google+
23-dekabr kuni Prezident Shavkat Mirziyoyev amalga oshirilayotgan ishlar samaradorligi va investitsiya va tashqi savdo sohasida 2021 yilga mo'ljallangan asosiy vazifalarni muhokama qilishga bag'ishlangan yig'ilish o'tkazdi.
Koronavirus pandemiyasi global iqtisodiyotga salbiy ta'sir ko'rsatdi. Eksport va investitsiya jarayonlari muayyan qiyinchiliklarga duch keldi.
Mamlakatda investitsiya muhitini yaxshilash bo'yicha o'z vaqtida ko'rilgan chora-tadbirlar o'z samarasini berdi. Bu yil 6,6 milliard dollarlik to'g'ridan-to'g'ri xorijiy investitsiyalar o'zlashtirildi. Shuningdek, yil oxiriga qadar 15 milliard dollar eksport qilinishi kutilmoqda.
Yig'ilishda davlat rahbari 2021 yil iqtisodiyot uchun ham qiyin bo'lishini, shu bilan bog'liq holda hozirda investitsiyalarni jalb qilish va rivojlantirish, eksport prognozi ko'rsatkichlarini ta'minlash va import o'rnini bosadigan mahsulotlar ishlab chiqarishni ko'paytirish bo'yicha aniq, maqsadli choralar ko'rish zarurligini ta'kidladi.
