Ольга Забелинская велотрек бўйича Europakriterium der Bahnfahrer халқаро мусобақасида учта медални қўлга киритди. Мусобақа 31 август-1 сентябрь кунлари Берлинда бўлиб ўтди, дея хабар қилди Ўзбекистон Велоспорт федерацияси.
Ўзбекистон велопойгачиси омниусда германиялик Сток Гудруг (125 очко) ва россиялик Тамара Дроновани (117 очко) ортда қолдирган ҳолда 157 очко билан биринчи ўринни эгаллади. Ольга Забелинская кейрингда кумуш, медисонда бронза медалларини ҳам қўлга киритди.
Europakriterium der Bahnfahrer — рейтинг турниридир. Ушбу мусобақа иштирокчилари Токиодаги 2020 йилги Олимпиада учун рейтинг балларига эга бўлади.
Апрелда велоспорт бўйича Осиё чемпионатида Ольга Забелинская миллий терма учун Elite Woman тоифасида энг яхши натижани қайд этган ҳолда иккита олтин медални қўлга киритиб, Токиодаги Олимпия ўйинлари-2020 лицензиясига эга бўлди ва Ўзбекистон номидан иштирок этади.
