Qozog'iston va O'zbekiston Xavfsizlik kengashlari kotiblari ikki mamlakat o'rtasidagi hamkorlikning dolzarb masalalarini muhokama qildilar
- 25.10.2019, 15:30,
- Важное за сутки
- 536
- 0
Facebook
Вконтакте
Одноклассники
Google+
Olmaotada Qozog'iston Respublikasi va O'zbekiston Respublikasi Xavfsizlik Kengashlari apparatlari o'rtasida kengaytirilgan maslahatlashuvlar bo'lib o'tdi, deya xabar beradi «Kazinform» muxbiri.
Qozog‘iston Respublikasi Prezidentining yordamchisi - Xavfsizlik Kengashi kotibi Qalmuxanbet Qosimov va O‘zbekiston Respublikasi Prezidenti huzuridagi Xavfsizlik kengashi kotibi Viktor Maxmudov raisligida o‘tgan muzokaralarda markaziy davlat organlari rahbarlari ishtirokida ikki mamlakat o‘rtasidagi hamkorlikning dolzarb masalalari muhokama qilindi.
Tomonlar mintaqaviy va global xavfsizlikning holati, Markaziy Osiyodagi mavjud xavflar va xalqaro tashkilotlar doirasidagi hamkorlik to'g'risida fikr almashdilar.
Ekologik xavfsizlik sohasidagi hamkorlik masalalari atroflicha muhokama qilindi. Shuningdek, transchegaraviy daryolardan foydalanish va ularni muhofaza qilishda hamkorlikning aspektlari ko'rib chiqildi, ushbu masalaning ikki mamlakat aholisi va iqtisodiy tizimlari uchun muhimligi hisobga olindi. Shuningdek, harbiy va harbiy-texnikaviy sohalardagi hamkorlik masalalari muhokama qilindi.
Uchrashuv yakunlariga ko'ra Qozog'iston Respublikasi Xavfsizlik Kengashi apparati va O'zbekiston Respublikasi Prezidenti huzuridagi Xavfsizlik Kengashi o'rtasida 2020 - 2021 yillarga mo'ljallangan hamkorlik rejasi kelishib olindi, ikki mamlakatning tegishli davlat organlariga aniq ko'rsatmalar berildi.
