Giyohvand moddalarning noqonuniy aylanishiga chek qoʻyildi, deb xabar qilmoqda Bosh prokuratura huzuridagi departament matbuot xizmati.
Bosh prokuratura huzuridagi departamentning Mirzo Ulug‘bek tumani bo‘limi xodimlari Davlat xavfsizlik xizmati xodimlari bilan hamkorlikda maxsus tezkor tadbir o‘tkazdi. Tadbir davomida “K.M” MChJ dorixonasining 9 dona “Reduxin” dori vositasini 280 000 soʻmga noqonuniy ravishda sotgan, ular tarkibida kuchli taʼsir etuvchi moddalar boʻlgan ikki nafar sotuvchi qoʻlga olindi. Shuningdek, dorixonadan tegishli hujjatlarsiz yana 130 dona kuchli taʼsir etuvchi dori vositalari aniqlanib, olib qoʻyildi.
Mazkur holat yuzasidan jinoyat ishi qo‘zg‘atilgan. Hozirda tergov harakatlari olib borilmoqda.
