Toshkent shahri hokimining komplayens va korrupsiyaga qarshi kurashish bo‘yicha ichki nazorat masalalari bo‘yicha o‘rinbosari lavozimiga Mirhamidov Mirmuhammad Mirshaxidovich tayinlandi. Bu haqda poytaxt hokimiyati matbuot xizmati xabar berdi.
2023-yildan buyon M. Mirhamidov Bosh prokuraturaning sud hujjatlari va boshqa organlar hujjatlarining ijro etilishi ustidan nazorat qilish boshqarmasi boshlig‘ining o‘rinbosari lavozimida faoliyat yuritgan.
M. Mirhamidov 1982-yilda Toshkent shahrida tug‘ilgan. Oliy ma’lumotli, mutaxassisligi bo‘yicha huquqshunos. O‘zbekiston Milliy universiteti hamda Toshkent davlat yuridik institutini tamomlagan. Adliya katta maslahatchisi unvoniga ega. 2006-yildan buyon prokuratura organlarida mehnat faoliyatini olib borgan.
