Keyingi besh yilda mamlakatimiz baliqchilik tarmog‘ida umumiy qiymati 2,2 trillion so‘mlik 1016 ta loyihaning amalga oshirilishi natijasida baliq tayyorlash hajmi 6 barobar oshdi, joriy yilda esa bu ko‘rsatkich 400 ming tonnaga yetkaziladi. 2016 yilga nisbatan baliq iste’moli 5,7 barobar oshdi.
"Oziq-ovqat narxlarining global o‘sishi, inflyatsiya xavfi kelgusi yilda ham oziq-ovqat xavfsizligi eng dolzarb muammo bo‘lib qolishini yaqqol ko‘rsatmoqda. Shu bois viloyat hokimlari o‘z hududida baliq yetishtirish holatini tahlil qilib, tadbirkorlar, aholi xonadonlari uchun barcha shart-sharoitlarni yaratish bo‘yicha tizimli ishlarni amalga oshirishi zarur, – dedi Prezident.
Yig‘ilishda bu ko‘rsatkichlar yetarli emasligi, mavjud imkoniyatlardan to‘liq foydalanilmayotgani ta’kidlandi.Demak, Navoiy, Namangan, Sirdaryo, Farg‘ona va Toshkent viloyatlarida baliq yetishtirishda har gektardan atigi 3-4 tonnadan hosil yetishtirilmoqda. Sababi, ushbu hududlarda intensiv baliq yetishtirish hajmi umumiy mahsulotning 10 foizidan oshmaydi.
Shu munosabat bilan sun’iy suv havzalarini faollashtirish, klasterlarni rivojlantirish va sohada hamkorlikni yo‘lga qo‘yish masalalari ko‘rib chiqilmoqda. Kelgusi yilda baliq yetishtirishni 600 ming tonnaga yetkazish vazifasi qo‘yildi.
