Navoiy viloyati Karmanа tumanidagi “Samarqand” nazorat-o‘tkazish punkti yo‘l-patrul xizmati xodimlari 14-mart kuni soat 02:20 atrofida avtomashinani to‘xtatib, uning yukxonasidan veterinariya-sanitariya hujjatlari bo‘lmagan 1000 kg go‘sht borligini aniqladi. Bu haqda O‘zbekiston IIV matbuot xizmati xabar berdi.
Avtomashinani Buxoro viloyati Qorako‘l tumanida yashovchi, 1976-yilda tug‘ilgan U. B. boshqargan.
Ekspertiza xulosasiga ko‘ra, go‘sht iste’molga yaroqsiz bo‘lib, bu go'sht yoqib yuborilgan. Mazkur holat yuzasidan tergov harakatlari olib borilmoqda.
